Friday, March 26, 2010

[轉載] 我的愛情故事 - 我遇見了她 《二十七》

【轉載自香港討論區 - 我 的愛情故事 - 我遇見了她 (親身經歷)(完)

[轉載] 我的愛情故事 - 我遇見了她 《二十六》

依一晚,Christine 既眼淚一滴一滴咁留。係究竟佢想起自己既辛苦,還是感動呢?我唔敢問,畢竟我內心都係一件唔敢去話佢知。我每次同佢出完街,每次都會送佢返屋企。不知不覺成為左我地每次活動既最後環節。
同Christine再度相遇後~約一個月,阿威、阿文每一日都會推一推我叫我同Christine表白,再加埋佢地女朋友一致認為Christine係已經會接受我。其實我都好想,但係我好怕失敗,如果真係失敗,我同Christine連朋友都無得做。點算呢?
每次我遇到依D煩事,好難同D兄弟去講。雖然佢地都好關心你。不過過份既關心有時都會增加你既壓力。所以唔能夠明白我內心依一份既感受同不安。我又再次打比阿靜。

我:〈阿靜呀~我好唔好同 Christine表白呀。〉
阿靜:〈呵~~乜你唔驚咩?〉
我:〈好驚呀!所以唔知點咁?〉
阿靜:〈你係唔係表白左後,佢唔接受你,就連朋友都無得做呀?好怕失敗要承受個結果呀!唔可以好似依家咁?〉
我:〈係呀~〉
阿靜:〈你係唔係又怕如果唔表白,你又覺得自己好無用?好似有D野騙緊Christine唔自然呀!〉
我:〈係呀(有D驚喜、因為佢講中)你點知架?〉
阿靜:〈^^乜你唔知女人既直覺好準既咩?你暪過我雙眼架。〉
我:〈靜呀~我係唔係好無用。〉
阿靜:〈傻啦~關咩野啦。你做得好好呀!你諗下家下Christine已經係你身上得到一份支持。點會無用呢?〉
我:〈但係我鍾意人,都唔敢向佢表白喎!〉
阿靜:〈你知我一向都自己既睇法。依D只係一D人在乎結果同答案既答法。Wind,緣份真係好似你咁,

唔洗刻意去做,只要在乎一份自然、流露出來內心既真挈。如果太多人為因素同埋計算。就已

經失去左好多意義。Wind、順其自然啦!時機一度,你唔做,佢都會走埋來。>

人生你會有好多既朋友。每一個朋友都會有佢係身上既期望~好似阿威、阿文。好想你快D拍拖。而阿靜呢?佢係一個好知道你處境既人。我同佢傾計真係好舒服!亦每次總有一種得著,係佢身上,真係學識好多野。所以,我又無再理會兄弟叫我同佢表白既事,而係好舒服咁同Christine享受同佢之間既相處。

有一日放工,Christine
打比我問可唔可以同佢星期六去銅鑼灣。佢好想去睇燈飾。因為聖誕節都好快到。佢想早D先去香港個邊睇。我當然無問題啦。我都好想同佢一早咁做。因為聖誕節總係比到一種特別普世歡騰、浪漫既感覺。真係令人特別開心。係未識Christine 之前,依個節日對我真係無乜太大特別,只係一個可以讓我休假既日子。我甚至乎有少少妒嫉、憎惡依個既日子。因為,我有其中一個女朋友,都分開左好耐。大約係聖誕節前分左手。然後又係聖誕節同返佢之前既男朋友一齊。對我都有少少既影響。甚至乎令到我真係想係聖誕節前一個月閉關不出門。雖然阿威、阿文都會叫我出來。作為佢地既大佬都會係每年25號出一出去交換聖誕禮物。今年真係好唔同,因為,我搵到一個人去可以同我過。?使佢唔係我女朋友。而係我單方面。

到左我同Christine約會當日。我同 Christine約會係藍田地鐵站車尾等。而當日佢要返工。所以放工要返一返屋企先出來。自從我識左Christine 後,學識左守時。以前次次出親街都會比D兄弟成日話我依方面既野,有時都表現出好不滿,就算我點改,都改唔到。反而依家,我就自動自覺咁改。真係神奇。
隨著同Christine去街多左,每次去等 Christine,無左以前既咁緊張。可能同佢已經熟絡左,不過等佢既時間都會好想快D見到佢既出現。我等左約15分鐘,佢出現啦。我呆左…因為今日真係好靚。除左化妝,還有著左一條裙。我第一次正式見佢著裙加一對高?鞋,視線同我平排。平時既佢一向鐘意著牛仔褲。所以真係令我好著迷。

Christine:<^_^等左好耐呀?>
我:<唔係~>
Christine:<仲乜呀?唔好睇呀?>
我:<唔係呀~你今日好靚!>

Christine聽完我讚後,比左一個好開心既笑容回應我。咁大個仔,真係好少依見到一個女仔悉心打扮去見你。我覺得自己好幸福!不過,內心既自卑又提我唔好咁諗。女仔打扮係比其他人睇,唔係比你睇。你何得何能去影響到人呀。有時都唔知依一把聲音係好定唔好。或者清醒D,自己會無咁傷呢。我隨即將自己認為既事舜間去掃去。我地好快去左銅鑼灣時代廣場對出位置。人頭湧湧。基本上寸步難移…好辛苦先行到出一群。

Christine:<嘩…好多人呀?>
我:<係囉…不過都好有臨近聖誕節既氣氛!>
Christine:<係呀~我每一年聖誕節前都會來一來銅鑼灣架!依度真係好靚。^^>
我:<你餓唔餓呀?>
Christine:<餓呀!去邊度食好呀?>
我:<靜靜地話你聽?我唔係好識依度D路…成世仔只係識九龍D路,一到香港同新界區我就會迷路架。>
Christine:<咁點算呀~我都係咁架。仲要係全香港…^^>

我同佢傾得太投入,佢掛住望我,仲行左出馬路無睇到有冇車,我就立即好自然既反應係捉住佢返來。仲唔小心捉住左佢隻手。

[轉載] 我的愛情故事 - 我遇見了她 《二十八》

No comments:

Post a Comment