Friday, March 26, 2010

[轉載] 我的愛情故事 - 我遇見了她 《四十八》

【轉載自香港討論區 - 我 的愛情故事 - 我遇見了她 (親身經歷)(完)

[轉載] 我的愛情故事 - 我遇見了她 《四十七》

年初二~

9點半起身梳洗,10點半就跟住就去左Christine留下接去。我地屋企打算會係十二點半食開年飯。今年我既屋企人當知道我同Christine既拍拖。媽咪成日都好想見到Christine。不過,爸爸就唔鍾意。並唔係唔鍾意我拍拖。而係Christine既家景比我屋企好。加上佢搵錢多過。所以,佢有咁既反應。我並無去講Christine搵錢多過我。只係爸爸同佢D同事講度我女朋友既職業時,佢地有D仔女都係同Christine係行家。仲話我爸爸個女仔搵錢多個你個仔。仲串佢:〈你個仔就好。〉所以,令到我爸爸內心都有條刺。而佢亦係好傳統既男人。成日都會同我搵女朋友要講木門要對木門,竹門要對竹門。不過,時代唔同左。依一D野係我內心已經係過時既野。我知道爸爸係出自一份父愛既關心。但係過度既關心,會構成好大既壓力。畢竟我已經係一個獨立自主既成年人。

到左Christine屋企樓下,佢一早已經知道我係樓下去等佢陪同佢去我屋企。佢見到我好開心,因為佢好鍾意我接佢既感覺。Christine想去APM 地下間超市度買野拜年。我同佢講話唔洗啦,但係佢話第一次見我屋企人好想比表示一D心意。我內心難以形容依一份心情。因為見到你女朋友咁識做。試問點會唔開心呢?佢揀左兩盒野,一盒係牛油曲奇、一盒係EDO牌既朱古力。然後排左一陣隊同理包埋D花紙就走。

我拖住Christine到我屋企樓下,Christine同我講咁大個女都未去過公屋。乜公屋有閘既咩?於是我見早左成45分鐘。就帶去到屋企附近兜一陣。我拖住佢同佢分享我對公屋既感情同埋睇法。

我:〈Christine,如果我地無公屋住。真係成家人要訓街。(無奈~)我份人工係無能力可以去供一層樓。所以公屋係對我地依D人好重要。雖然係一D現今香港人既眼中係低下層,低收入,貧困戶。試問有幾多人能夠付擔得起一層樓呢?〉
Christine:〈 點解唔試下諗居屋呀?〉
我:〈 有諗過,如果我阿妹同我一齊供咪得。咁佢都要嫁。到時我一個人能力去供真係好吃力。〉
Christine:〈 咁又係既~ 好彩我地層樓舊年已經甩左。如果唔係就大獲…我都供餐死。嗚~〉我:〈唔係好多人好似你咁幸運~〉
Christine:〈^^ 我都知既~ 最幸運既係遇到一愛鍚我既朋友,佢仲係好叻添!〉
我:〈 吓~ 我一D都唔叻,叻既就唔洗咁啦。叻既就唔洗令你爸爸唔鍾意啦。〉
Christine:〈 唉~ 有時都唔知點講比爸爸聽!講佢都唔明。不過咁~聞說我男朋友銀行都有廿幾萬儲蓄喎。應該可以係公屋富豪榜上榜喎。〉
我:〈=.=” 你唔好講出去呀! 我會比人踢走架…^^〉

同佢左一陣就上左我屋企,一開鐵閘時。我阿媽好似D女仔搶花球咁,立即衝埋去搶住 Christine隻手來拖住。仲立即比大封利事佢。我第一時間望住爸爸既表情。睇下佢咩野反應。佢竟然偷笑。仲同我阿妹咬耳仔。我亦蚊左阿妹埋來。問佢講D乜野。

阿妹:〈老豆話自己個仔有眼光喎~〉

依句話,深信每一個男人好自豪既其中一件事。係可以得到你爸爸既肯定。自Christine一踏入家門,就成為我家人既焦點。突然間,Christine叫左我妹妹過佢度。原來佢買左部IPOD TOUCH比佢。我呆左,因為早排我阿妹想買,仲成日叫我送比佢,我只係同下Christine講話阿妹想要。但係我想睇睇雙糧既錢夠夠洗先考慮買唔買。講真聖誕節加埋拍拖。的確令我多左負擔! 雖然Christine都好好,已經唔洗我每次出親次次都要我比。但係我自己作為男朋友為女朋友比錢食飯、其他出街既開支,係一個天公地義既行為。而我自己就算想買XBOX,都要儲多好幾個月錢先敢買。不過加下因為讀書已經唔玩。錢對我來講係搵來不易。所以唔敢亂花。

而我屋企人開飯時,不停叫我夾餸比Christine! 除左爸爸,其他人都不停夾餸。而我爸爸不停打探佢屋企人既背景。Christine既對答得相當得體。而旁邊既我顯然十分唔舒服!因為我阿爸好差人咁審犯。不過Christine仍然好有耐性咁解答。我見到阿媽從未咁開心過,唔講D街坊以為佢娶新抱。食完飯,Christine好主動去洗碗。當然我阿媽極力阻止佢啦。我阿妹就收完禮後,成個人都十分之熱情,仲做埋家既PR,主動拉去去睇我細個既相。依個時間,我想陪佢地睇,突然間~我比爸爸蚊左去廚房!

爸爸:〈(細細聲) 佢(Christine)爸爸身家多過我咁多,人地個女有搵度錢,你襯唔襯得起人呀?〉
我:〈 同得佢一齊,我有分數啦。〉
爸爸:〈有分數?家下你咩野新鮮蘿白皮呀!人地屋企700幾~800吹,你屋企呢?一眼就望晒。   你點養得起人地個女呀?〉
媽媽:〈好心你唔好咁保守啦,人地同得你個仔一齊,一早已經知佢咩野人啦,個女仔好靚、   人品好好,阿媽鍾意依個。〉
我:〈=.=” (其實Christine係我第二個帶返屋企既女朋友)得啦~我有分數啦,家下人地係度唔  好睇。我出去先。〉

Christine 睇見我細個D相,笑得好開心。仲成日係度取笑我細個個樣。阿媽亦幫下口。

媽媽:〈Christine~係你先咁好渣,揀我個衰仔做男朋友!〉
Christine:〈 哈~Aunt 你個仔好好,心地好。一個好男仔,我點會放過。(望我)〉

阿媽聽完開心度不得了,最後我地逗留到約三點。就打算同Christine走去淘大同德福度行下。臨走時,阿媽叫佢得閒上來食飯! Christine感受到阿媽對佢既熱情,令到Christine亦因為阿媽對佢既鍾意產生左一份親切感。同佢行緊淘大,雖然只得一半鋪頭開左,但係都幾多人行。

[轉載] 我的愛情故事 - 我遇見了她 《四十九》

No comments:

Post a Comment