Friday, March 26, 2010

[轉載] 我的愛情故事 - 我遇見了她 《二十四》

【轉載自香港討論區 - 我 的愛情故事 - 我遇見了她 (親身經歷)(完)

[轉載] 我的愛情故事 - 我遇見了她 《二十三》

我講完後,就聽到Christine係電話到喊,我諗珍貴無私既友情,對每一個人都好重要。
縱使見到流星既事係假。但Christine 對佢依兩位朋友既真心,係一個事實。

Christine:<Wind~多謝你!! 我都有D野想講你聽。不過依家唔講得住。>
我:<嗯~~好呀!你想講就講啦^^~依~~ 太好啦~有的士喎…>
Christine:<快D截啦。>
我:<知道!>

其實今晚真係突然間挑起左佢好既回憶。人就係咁,好多時當你被人挑起左出來。要再放返入去真係唔容易。我知道Christine覺得因為我陪佢既緣故。令到我冇車返屋企。內心真係存在著唔好意思,雖然路程唔算太遠。而我約二十分鐘後我就返到屋企樓下。Christine先肯去沖涼。我都好耐未試過,同一個女仔去街去到咁夜,然後仲送埋佢返屋企。而今晚雖然見到Christine既眼淚,好似針咁刺落我內心咁!佢既經歷,成為左我內心入面既一部份。以往只係兩個人既事。今晚以後,佢既事就係我既事。成為我世界入面不可分割既一部份。
臨訓前,想起一句說話,於是我就SMS比佢:

<忘記背後,努力面前的向著標杆直跑。>

我訓到第二朝早十點,比個手提電話搞醒左:

我:<喂…>
阿文:<大佬…早晨喎!>
我:<點呀!仲訓緊喎~>
阿威:<醒下啦…光陰似箭。>
我:<我仲好眼訓。>
阿文:<我知我知~二佬威,你無左住大佬訓啦,隔離一定訓左Christine係度。>
(聽完依句話,我成個人比佢地激醒左。)
阿威:<嘩…唔怪得之咁累啦。>
阿文:<係既…大佬佢體弱多病,仲要佢咁操勞。叫佢比時KEEP 好D架啦!未老先衰。>
我:<你地再講我聽日係生菓日報頭版見呀!>
阿文:<吓~點解呀?>
我:<我將成副身家攞去登頭版同你兩個斷絶兄弟關係囉!>
阿威:<大佬Wind…唔係為左條女咁對待我地兩兄弟嘛?>
我:<唔關Christine事,係關你兩個懷疑我能力方面問題既事。>
阿威:<呵呵~單野唔關我事,係阿文講渣。>
阿文:< =.=”哦~又係我!>
阿威:<大佬~快D刷牙洗面啦…我地出來飲荼呀!>

一早比佢地搞醒,成個人都仲未還魂。九成九叫埋D女朋友出來係供下我琴日做過D乜啦。佢地有時真係仲痴身個D女仔。
尤其係阿文。於是,我就出度去會合佢地,地點唔需要多代交。因為永遠只得一度。我去到酒樓。真係四個人。

阿威:<大佬…好累喎!>
阿文:<大佬…快D飲杯茶先。>
我:<仲乜咁好口呀! 聽日都無兄弟做架啦。>
阿文:<大佬唔會咁小氣既。係喎…點解唔見阿嫂呀!>
我:< =.=”>
阿威:<死仔呀!你唔記得阿嫂係大佬屋企訓緊教呀?>
我:< =.=”X2>
Fanny:<你無鬼玩啦…不如聽下大佬講下琴日點仲好過啦。>
阿威:<真係醒目既啫。抵我揀你既啫。>
Fanny:<食X燒包啦… 講…。>

我就即整晚既事講晒比佢地聽。佢地聽完真係嚇左一跳。Fanny同Maggie聽都有少少眼濕濕。
跟住同我講左D野。令到我更加知道應該點去做。

[轉載] 我的愛情故事 - 我遇見了她 《二十五》

No comments:

Post a Comment