Friday, March 26, 2010

[轉載] 我的愛情故事 - 我遇見了她 《四十五》

【轉載自香港討論區 - 我 的愛情故事 - 我遇見了她 (親身經歷)(完)

[轉載] 我的愛情故事 - 我遇見了她 《四十四》

我唔想同Christine係生意上有來往,所以佢好明白!雖然佢好想我利用儲蓄既錢去投資。但係我真係怕金錢會影響到大家既關係。所以,Christine並無迫我咁做。 我地行度佐敦地鐵站,就步行去火鍋店,唔知點解佢好心急想知去邊。成日問我。

Christine:〈你帶我去邊呀?係唔”怪”左我架?〉
我:〈=.=”係呀~”怪”帶未成年少女呀?〉
Christine:〈係唔係咁架?老~細(鄉下音)~〉
我:〈依D叫北妹呀~〉
Christine:〈嘻~係呀~你咁熟既,梗係成日幫襯呀?〉
我:〈=.=”X2 識你之前唔會,識左你之後梗加唔會。〉

女人其實天生係一個偵探,只要一有少少疑點,佢都係唔會放過。正所謂:清者自清。佢最多Charge我望女仔既罪名。

當佢去度火煱店門口,佢開心度不得了。因為依一間火煱店門口。好多唔同種類既野食。佢見到有D海鮮係門口游下游下。佢問我會唔會一陣游落去佢個肚。我地7點45分開始食,見到佢滿足既表情,望住我同我講:〈好好味呀〉,又夾埋係你個碗度。同你講:〈依一樣好味呀?〉 我諗如果D野係生既,佢夾比我都會答:〈好好味。〉 因為愛情係盲目嘛。但係見到時埋單時食左500幾蚊。幾盲目個人都清醒返、真係肉都赤埋。總知去間任飲任食就算啦。


我地食到9點45分。我同Christine 就去左食糖水。不過佢疑惑! 因為9點45分,如果要去count down好多地方都應該唔比入。尤其係尖沙咀。我同佢講放心,因為食埋糖水,行陣先都仲得。於是佢就好放心咁同我享受埋個糖水。我地食完就係週圍行一陣。

大約10點45分。於是就起行去我今晚既目的地。我同佢拖手拖行入去九龍公園。行到一半Chrisitine問我~

Christine:〈你仲乜帶我來D 咁黑既地方?〉
我:〈哈哈~我就係傳聞中既藍田色魔。〉
Christine:〈你唔行埋來呀~ 我叫架~〉

去到D咁黑既地方,加上有無人,我點可能唔親一親佢一啖呢^^! 我帶佢走下走下,離遠見到中港城既天橋。金色既燈光射上天橋係特別靚,加上四週既環境漆黑,還有背後既大廈。顯然出依一度地方既高貴。 Christine當望完後,就回望我一眼。

Christine:〈我咁大個女都未來過呀!依度好靚呀。〉
我:〈我地行過去囉。〉
Christine:〈嗯~〉

依度的確好靚,係我未拍拖以前,每逢搭車經過望度,總係會祈望自己既人生會有一個女主角同我去。而今晚既女主角由Christine去擔當左。我同Christine每行一步、橋邊既射燈好吸引住佢,佢蹺住我行。時不時係度微笑。

我:〈仲乜係度MEI MEI 咀笑?〉
Christine:〈因為有一個我心愛既男人同我漫步囉。〉
我:〈就係咁?〉
Christine:〈(UP UP頭) 我識左你之後,幸福就係好簡單,只要有你係我身邊就係幸福!〉

好動聽既一句說話,塵世間最能令你深刻既說話莫過於兩種情況下,第一就係臨終時對你講。第二就你同你伴侶行行,佢突然由內心發出既說話。而你又諗都諗唔到佢會咁講。我地過左天橋上天中港城既頂層。佢突然間卻步。問我係唔係唔入得。我同講放心依度係公開任何人入得。我地走過左側邊既露天茶座。然後,經過一間餐廳。我覺得餐廳特別為除夕而設左既晚宴。好多外國人係度飲飲食食,加上餐廳播埋音樂,令到入面D食客都係一路食一路跳舞! 我地再經過埋一個既海豚型噴水池。不過無水噴出來。Christine眺望住對面既中環夜景,佢呆左。因為真係好靚。佢問我今晚係唔係度count down。我示意係。之後佢開心度埃住我。佢好鍾意睇海景。尤其係尖沙咀望去中環。雖然今晚依度都好多人聚集。但係我地依然搵一個有利位置。我睇睇電話,時間不足半個鐘頭就係有野睇。Christine同我前後腳企。佢成日問我:唔知唔會點呀?有咩野睇?我都係答佢:〈唔知呢!^^〉

大約去到11點58分。成個氣氛起哄起來。全場人都好興奮。

Christine:〈D人仲乜野事?〉
我:〈唔知呢?你望住對面層樓先。〉

約不足一分鐘。對面既國際金融中心就倒數住:10、9、8、7、6、 5、4、3、2、1。全場亦一齊倒數。去到頂樓時爆左個煙花出來。Christine立即令轉頭。

Christine:〈點解咁架?〉
我:〈因為佢地為我同你第一年拍拖而設囉,Happy New Year!〉

佢聽完笑得好甜,然後就同我係一個煙花下鍚左對一下,就咁迎接左新既一年來臨。而依一晚既煙花。雖然無過年、十一國慶時咁好睇。但係因為Christine係我身邊作伴。令到平淡既煙花添上一層深層既意義。依一個時刻,更加成為我生命重要一個既片段之一!

有了你

有了妳 頓覺增加風趣 我每日每天都想見妳
那懼風與雨 那懼怕行雷 見少一秒都空虛

有了妳 頓覺輕鬆寫意 我每日每天都想見妳
心中想與妳 變做鳥和魚 置身海闊天空裡

並著翅在飛 輕鬆自如 尋找清新空氣
游來又游去 湖海多美 拋開人生的顧慮

有了妳 頓覺輕鬆寫意 太快樂就跌一交都有趣
心中想與妳 變做鳥和魚 置身海闊天空裡

[轉載] 我的愛情故事 - 我遇見了她 《四十六》

No comments:

Post a Comment