Friday, March 26, 2010

[轉載] 我的愛情故事 - 我遇見了她 《四十七》

【轉載自香港討論區 - 我 的愛情故事 - 我遇見了她 (親身經歷)(完)

[轉載] 我的愛情故事 - 我遇見了她 《四十六》

依一晚,我同Christine就去都要各自返屋企食團年飯。然後同相約10:00 係藍田地鐵站車尾等。打算同佢先來去維園度行年霄迎金鼠。對於我來講比較鍾意西方既節日多過農曆新年。因為聖誕節及新年比較歡欣多D,而農曆年期間就比較冷清。不過年廿九或者年三十就好少少。而今年既年三十晚真係好凍。只得十度到。加上有毛毛雨。Christine早係一個月前話要今年行年霄。所以就算環境幾咁惡劣!我同佢都會照出。我係藍田地鐵站等左約25分鐘。離遠見到佢著住見粉色既North Face既羽絨走埋來。深信旁人睇見仲以為有兩個瘦身米芝蓮拍拖咁。

Christine:〈 件羽絨靚唔靚呀?〉
我:〈 好靚呀!〉
Christine:〈 我最愛既男朋友Wind Wind買比我架!〉

今年年頭天氣真係好凍,結果係一月頭時,我同 Chrisine 去左APM買返件羽絨。佢好鍾意North Face 既款式。我就去左Lafuma買。佢起初唔肯買。因為佢話好腫。又話著返工唔襯D衫。女人好多時都係咁。要靚唔要命。佢見到我苦苦哀求佢下。加上 North Face隻色佢好鍾意先肯買。不過只係著便服時,佢先肯著。見到佢著出來比我睇時,你真係好滿足架。因為你能夠將自己既關心透過一件褸去傳遞比佢。而佢又著左又開心又溫暖!

去到天后站時,真係人頭湧湧,密不透風。我同Christine行出去地鐵站既時間都用左成十分鐘。出到去落好陣毛毛雨。

我:〈 咁大雨…小姐不如等我遮埋來呢?〉
Christine:〈 咁你成晚遮我啦,唔洗去OK陪我買”姐”啦!^^〉
(一開”姐”我鍚左佢磈面一啖)
Christine:〈 先生~你仲咩野事呀?〉
我:〈 小姐~我想溝你可以嘛?〉
(佢打左我羽絨一野)
Christine:〈 (甜笑)你兩個前咪溝左囉。家下係唔係唔認賑?〉
我:〈 哈哈~~各位街坊~女朋友大平賣,年尾大清貨!埋來睇下。咪執輸?〉
Christine:〈 估唔到豬年比人拋棄! : (  〉
我:〈 傻瓜~行啦! 我捨得買你走啦~〉
Christine:〈^^ 係唔係我太靚你捨得呀~〉
我:〈=.=” 依個其中一個原因,最大原因係我太愛你唔捨得啫~〉
Christine:〈^^ 嗯~ 咁就差唔多!〉

我同Christine就擔住”姐”入去行維園。真係十分之迫人! 好彩入到時,已經無雨。佢同我十字緊扣行。仲被佢比人迫左迫右。只係見到周圍既人係叫賣。仲有好多鼠型物品。我同佢只係望下左望下右。想行埋去揀都揀唔到。本來一心想係年霄度買下野。但係連迫入去都無能力,我同Christine唯有放棄依個主意!

去到倒數時,我同佢係場入面,一齊同現場既人倒數。唔知點解?每逢倒數時,能夠同你既女朋友去見證住一個歷史時刻。你會份外興奮! 一完成送豬迎鼠時。我立即攬住Christine。佢亦好享受同我擁抱既感覺。我諗興奮激動既心情。透過擁抱係可以直接表達到依個既訊息! 我同佢擁抱後,就立即送上祝福語。

我:〈 恭喜發財、祝你身體健、今年一定要心想事成。〉
Christine:〈 你都要呀! 今年祝你要升職加薪。最好就去讀書啦。〉
我:〈=.=" 哦~盡能力啦。〉
Christine:〈 唉~ (佢望一望天) 如果今年可以同Jenny、仲有阿琼FD 返就好。我真係好想將你介紹比佢識。〉
我:〈 (搭住佢) 我覺得今年一定~~攞隻手出來啦!^^〉
(比左粒星星佢)
Christine:〈^^ 係呀~個樽就已經遮晒張紙啦!!〉
我:〈 家下有幾多粒星星度呢?〉
Chrsitine:〈 唔知呀!三十幾、四十度啦!〉
我:〈 我覺得你既誠意一定感動到佢既(我指住個天)〉
Christine:〈 (望住個天、仲合手) 男朋友我就有、希望有返D朋友。唔該你啦!〉
我:〈 朋友未有住唔緊要、男朋友鍚住先!〉

佢聽完後笑得好開心,之後我地就行完走維園。我同Chrsitine仲去埋銅鑼灣食埋湯圓,跟住就送左佢返屋企。因為佢地家族農曆年有個規矩要凌晨三點前返到屋企。所以,我地都唔敢咁夜就要走,返到去只係二點幾度! 我係臨送Christine入屋企門口時,約左佢年初二中午上去我屋企食中午既開年飯。佢聽完有D怕醜。仲UP頭示意好^^!

[轉載] 我的愛情故事 - 我遇見了她 《四十八》

No comments:

Post a Comment