Friday, March 26, 2010

[轉載] 我的愛情故事 - 我遇見了她 《五十一》

【轉載自香港討論區 - 我 的愛情故事 - 我遇見了她 (親身經歷)(完)

[轉載] 我的愛情故事 - 我遇見了她 《五十》

而Jenny係依件事既關鍵人物。如果可以講得掂Jenny,再用D時間,阿琼都會接受。而從Christine口中得知,佢都比較對身邊既人要求高。如果你較為富有、有D學歷。你講乜都會有乜佢都會受,據知,阿琼男朋友係有錢有型個隻。佢飛機師既職業真係佢心目中既Dream。因此,我係身上埋手只係死路一條。反而Jenny份人比較隨和,善解人意。比較踏實。跟Christine 性格有少少相似,不過,Christine就比較進取同埋自我要求好高。因此,對於真誠既人,佢較欣賞。

我搵到電話以後,第一次打比佢時。佢既因為佢去左Wilson度,唔係太方便。結果佢第二晚打返比我。當時我岩岩送完Christine。

我:<Jenny~你真好?我以為你唔會搵返我?>
Jenny:<有諗過架?不過我好想知Christine既近況!>
我:<你唔嬲佢咩?>
Jenny:<開頭有~之後無啦!依個世界乜野問題都係雙向,自己都處理得岩?我都無顧及過Christine見到我男朋友出來時既感受。同樣,佢同Wilson一齊時,我都有搶返Wilson啦!依家都無岩、無錯、無恨、無怨?所以無嬲啦。>
(Jenny 真係一個頂級好既女仔,一個大方、成熟。仲係好懂得反省自己、用心去接納別人)我:<佢都因為失去左你同阿琼,所以唔開心左好耐。甚至連工作佢都失去信心。家下放工就閃架啦。>
Jenny:<(突然~)吓~無可能喎…佢做唔會係咁架喎?唔通Wilson既事?>
我:<唔關佢事,Wilson係佢心目中,遠遠不及你既同阿琼!>
Jenny:<(無奈)吓~乜我對佢真係咁重要!>
我:<(肯定既語氣)係!佢同我講一生最大既願望就係有返你同阿琼。為過依件事喊過好多次。>
Jenny:<其實我都喊過好多次~Christine係我心目中都係一個好重要既人。係喎~點解你咁叻可以追到我地中個班花呀?>

於是我就講晒相識經過,到拍拖。

Jenny:<唔怪得得~真係乜野女仔都死。Christine就幸福啦,女仔最鍾意就係依一種邂逅。真係好替佢開心。>
我:<如果你地能夠做返佢朋友、好姊妹。佢仲更加開心!>
Jenny:<我都好開心,Christine有一個咁好既男朋友。>
我:<哈哈~如果我可以做埋你朋友?唔知你會唔會開心呢?>

依一晚我係屋企留下同Jenny傾左一個鐘,直至Christine打來Check我返屋企未,我先同佢收線。

同Jenny傾完後,我覺得件事比我想像中容易處理,因為Jenny同 Christine既感情好深。我平時只係從Christine口中得知Jenny對佢好好。但係當今晚傾完後,完全唔係咁單方面。而我對 Christine既了解,除左佢本身話我知之外,Jenny就係我一個好重要既消息來源。記得Jenny講到中七當年有一份個人既功課要交。 Christine原來可以係中七當年可以係校內試考第一。就係依份功課令佢唔得。原因係有一日Jenny返到學校時,打算係學校print份功課,仲即日交。點知個file有事開唔到。Christine竟然將自己既名改為Jenny。如果Jenny唔交依份功課,校內成績會跌出80以外,結果 Christine只係全級11。而Jenny因為依份功課成績好好,所以去到由中六既全級35,去到21。有一年,Jenny爸爸有急病入院。佢爸爸係經濟支柱,Christine將由細到大銀行儲蓄約五萬蚊借晒比佢解燃眉之急!而Christine完全沒有將自己既所做既事向我分享。只係記住 Jenny為過佢既事。所以,我聽完Jenny講後,對於依個女朋友所做既事令我十分敬佩!但係Jenny係第一年出來做野時。透過過數匯款已經還晒比 Christine。對於有借有還既人,真係令人好欣賞!

點解要摺星呢?其實當我聽完Christine同Jenny既事時,當時我只係朋友身份,真係乜都做唔到,直至我做左佢男朋友後,情況係好唔同。雖然我知道用咩方法去搵佢地,但係只係諗唔去做係無用。所以,我透過摺星星依個行動去推動提醒自己去做。就係我同Jenny 接觸後。我都會keep住搵佢,雖然唔係日日,但係我就每兩至三日update比佢聽我同Christine既事。因此,依段時間,我同Jenny亦因為 Christine既緣故亦成為朋友。並且一齊諗計仔去點同阿琼去傾,想佢唔好再怪Christine。阿琼當知道我搵過Jenny時,反應好大。仲好反感。 我都係從Jenny 口中得知。

阿琼:<佢無野呀?唔洗為自己所做既野負責呀!>
Jenny:<都過左去啦?>
阿琼:<搵條仔打來算點呀?依啖氣係你先可以吞得落。>
Jenny:<哎呀~阿琼~Christine家下都承受左好大代價啦。>

我知道如果要溶化阿琼對Christine既怒氣。必需要真誠同埋耐性。於是我就叫Jenny比我阿琼Email比我,我每兩日就Email一次比佢。期間都好灰,因為真係音訊全無,我唯有透過摺星星叫自己要堅持做落去。Send左約個半月到啦,08年1月尾終於收到回音,阿琼主動打比我係一個晚上打比我,個排我工作好忙,咁岩又冇約到Christine。

我:<喂~你係邊位呀?>
阿琼:<我係阿琼~>
我:<^_^我等左依個電話足足一個月有多,好開心你打來。>
阿琼:<乜你好愛Christine咩?佢值得你咁做咩?>
我:<嗯~如果我知道依個係佢既心願…無論個代價幾大。我都會想盡辦法去達成。>
阿琼:<救命呀~依個世界仲有D咁既男人既?>
我:<哈~有!依家咪同你講緊電話。>
阿琼:<乜你同Christine係條街度識既咩?>
我:<嗯~係呀!>